Algoritmlash va dasturlashning asosiy tushunchalari
Laboratoriya ishi oxirida siz quyidagilarni bajara olasiz...
Qanday bajariladi va qanday baholanadi?
Ish tartibi
- Saytga login va parolingiz bilan kiring: emro.uz/dasturlash1/kirish.html
- 2-laboratoriya sahifasini oching (oxirgi slayddagi QR kod).
- Har bir topshiriq: shartni o‘qing → kodni yozing → ▶ Sinab ko‘ring.
- ✓ Topshiring — server kodni yashirin testlar bilan tekshiradi.
- Kod va natija o‘qituvchiga boradi; o‘qituvchi ko‘rib chiqib baho qo‘yadi.
Baholash mezonlari
- To‘g‘rilik — barcha testlardan o‘tish (asosiy mezon).
- Kod sifati — tushunarli nomlar, formatlash, kerakli izohlar.
- Mustaqillik — ko‘chirilgan kod baholanmaydi; kodingizni tushuntira olishingiz kerak.
- Muddat — muddatdan keyin topshirilgan ish “kechikkan” deb belgilanadi.
5-topshiriq: O‘rtacha qiymat
Uchta butun son berilgan. Ularning o‘rta arifmetigini toping.
Kirish: Bitta qatorda uchta butun son (|son| ≤ 1000000).
Chiqish: O‘rta arifmetik — verguldan keyin 2 xona.
1 2 4
2.33
6-topshiriq: Harorat shkalalari
Selsiy bo‘yicha harorat C berilgan. Uni Farengeyt (F = C · 9 / 5 + 32) va Kelvin (K = C + 273.15) shkalalariga o‘tkazing.
Kirish: Bitta haqiqiy son C (−273.15 ≤ C ≤ 10000).
Chiqish: Ikki qator: F va K, har biri verguldan keyin 2 xona.
100
212.00 373.15
7-topshiriq: Raqam-belgilar
Ikkita raqam belgi sifatida berilgan (masalan, '7' va '5'). Ularning son qiymatlari yig‘indisini va ikkala raqamdan tuzilgan ikki xonali sonni toping.
Kirish: Bo‘sh joy bilan ajratilgan ikkita raqam-belgi c1 c2.
Chiqish: Ikki qator: raqamlar yig‘indisi va c1c2 soni (masalan, 7 va 5 → 75; 0 va 4 → 4).
7 5
12 75
8-topshiriq: Alifbodagi o‘rin
Lotin alifbosining bosh harfi berilgan. Uning alifbodagi tartib raqamini (A = 1), “ko‘zgudagi” harfini (A ↔ Z, B ↔ Y, …) va kichik harf ko‘rinishini chiqaring.
Kirish: Bitta bosh harf (A…Z).
Chiqish: Uch qator: tartib raqami, ko‘zgudagi harf, kichik harf.
A
1 Z a
9-topshiriq: Kafe hisobi
Taom narxi, porsiyalar soni va chegirma foizi berilgan. Umumiy summani, chegirma miqdorini va to‘lanadigan summani hisoblang.
Kirish: Haqiqiy son — narx, butun son — porsiyalar soni n (1 ≤ n ≤ 100), butun son — chegirma foizi p (0 ≤ p ≤ 100).
Chiqish: Uch qator: umumiy summa, chegirma, to‘lanadigan summa — har biri verguldan keyin 2 xona.
15000 4 15
60000.00 9000.00 51000.00
10-topshiriq: Vaqtni surish
Soat hh:mm:ss ko‘rinishidagi vaqt (uchta son) va t sekund berilgan. t sekunddan keyin soat qanday vaqtni ko‘rsatadi? Soat 24 soatlik, yarim tundan keyin 00:00:00 dan davom etadi.
Kirish: Birinchi qatorda hh mm ss (0 ≤ hh < 24, 0 ≤ mm, ss < 60), ikkinchi qatorda t (0 ≤ t ≤ 2000000000).
Chiqish: Yangi vaqt hh:mm:ss ko‘rinishida — har bir qism 2 xonali (masalan, 07:05:09).
23 59 50 15
00:00:05