Tarmoqlanish va uzilish operatorlari
Laboratoriya ishi oxirida siz quyidagilarni bajara olasiz...
Qanday bajariladi va qanday baholanadi?
Ish tartibi
- Saytga login va parolingiz bilan kiring: emro.uz/dasturlash1/kirish.html
- 3-laboratoriya sahifasini oching (oxirgi slayddagi QR kod).
- Har bir topshiriq: shartni o‘qing → kodni yozing → ▶ Sinab ko‘ring.
- ✓ Topshiring — server kodni yashirin testlar bilan tekshiradi.
- Kod va natija o‘qituvchiga boradi; o‘qituvchi ko‘rib chiqib baho qo‘yadi.
Baholash mezonlari
- To‘g‘rilik — barcha testlardan o‘tish (asosiy mezon).
- Kod sifati — tushunarli nomlar, formatlash, kerakli izohlar.
- Mustaqillik — ko‘chirilgan kod baholanmaydi; kodingizni tushuntira olishingiz kerak.
- Muddat — muddatdan keyin topshirilgan ish “kechikkan” deb belgilanadi.
5-topshiriq: Hafta kuni
Hafta kunining tartib raqami berilgan (1 — dushanba). switch yordamida kun nomini chiqaring. Raqam 1…7 oralig‘ida bo‘lmasa, Xato deb chiqaring.
Kirish: Bitta butun son d.
Chiqish: Kun nomi bosh harf bilan: Dushanba, Seshanba, Chorshanba, Payshanba, Juma, Shanba, Yakshanba yoki Xato.
1
Dushanba
6-topshiriq: Kabisa yili
Yil berilgan. U kabisa yili bo‘lsa KABISA, aks holda ODDIY deb chiqaring. Yil 4 ga bo‘linsa kabisa, lekin 100 ga bo‘linib, 400 ga bo‘linmasa — kabisa emas.
Kirish: Bitta butun son — yil (1 ≤ yil ≤ 10000).
Chiqish: KABISA yoki ODDIY.
2024
KABISA
7-topshiriq: Uchburchak turi
Uchta kesma uzunligi berilgan. Ulardan uchburchak yasash mumkinmi va u qanday turda?
Kirish: Uchta musbat butun son a b c (≤ 10⁹).
Chiqish: Uchburchak emas, Teng tomonli, Teng yonli yoki Turli tomonli.
3 4 5
Turli tomonli
8-topshiriq: Kalkulyator
Ikki butun son va ular orasida amal belgisi berilgan. switch bilan natijani hisoblang. Bo‘lish butun bo‘lish. Nolga bo‘lish (/ yoki % da b = 0) yoki noma’lum amal bo‘lsa, Xato deb chiqaring.
Kirish: Bitta qatorda a op b: butun son, amal belgisi (+ - * / %), butun son (|a|, |b| ≤ 10⁹).
Chiqish: Natija (butun son) yoki Xato.
12 + 30
42
9-topshiriq: Kvadrat tenglama
ax² + bx + c = 0 tenglama koeffitsiyentlari berilgan (a ≠ 0). Haqiqiy ildizlar sonini va ildizlarni toping.
Kirish: Uchta butun son a b c (a ≠ 0, |a|, |b|, |c| ≤ 1000).
Chiqish: Birinchi qatorda ildizlar soni (0, 1 yoki 2). Ildiz bo‘lsa, ikkinchi qatorda ular o‘sish tartibida, bo‘sh joy bilan, verguldan keyin 2 xona.
1 -3 2
2 1.00 2.00
10-topshiriq: Sana mavjudmi?
Kun, oy va yil berilgan. Bunday sana kalendarda mavjudmi? Kabisa yilida fevral 29 kun.
Kirish: Uchta butun son kun oy yil (|son| ≤ 10⁶, yil ≥ 1 deb hisoblang).
Chiqish: MAVJUD yoki MAVJUD EMAS.
29 2 2024
MAVJUD